featured photo: Darpanpost

काठमाडौं (हिटा) । चलचित्र ‘मदहोस’ को गीत रेकर्डिबको काम सकिएको छ । ‘सुन ए गगन रुक जा पवन’ बोलको गीतमा एसके अधिकारीको शब्द, बाबुल गिरि तथा सन्तोष प्रगाढको संगीत छ । जसमा नित्या शिवा, बाबुल गिरि तथा सन्तोष प्रगाढले नै स्वर दिएका छन् । भी मेकर्सको ब्यानर तथा सुरज प्रधानको प्रस्तुति रहने यो चलचित्र एसके अधिकारीको लेखन तथा निर्देशनमा बन्ने छ । रहने चलचित्र ‘मदहोस’ले समाजमा विद्यमान यौन हिंसाको शिकार भएका युवा युवतीको समस्यालाई उठान गरेको छ । चलचित्रमा शिक्षित बेरोजगार युवाहरुको उत्पीडन, सामाजिक संजालमा देखिएका युवायुवति बीचको समस्याको ज्वलन्त घटनालाई यथार्थपरक ढंगले प्रस्तुत गरिने कथा बुनिएको छ । मदहोसमा विक्रम कार्कीको छायांकन रहने छ भने राजन महर्जनको कोरियोग्राफी रहने छ । चलचित्रमा नव नायिका, सृजना बस्नेतले यसै चलचित्र मार्फत डेब्यु गर्दै छिन् । उनको अलावा दिपेन्द्र कोइराला, कसिश दाहाल, राजु पौडेल, सलिना खड्का तथा प्रियंका अधिकारी लगायतका कलाकारहरुको मुख्य अभिनय रहने छ ।