featured photo: Darpanpost

ज्ञानु पंगेनी,

२१ भाद्र, नवलपरासी । युुवा तथा खेलकुद मन्त्रि जगत वहादुर विश्वकर्माले जनतालाई चाहिएको विकास भएकाले जुनसुकै पार्टीले विकासको काममा अग्रसरता देखाएपनि फरक नपर्ने बताएका छन ।
विहिवार नवलपरासी पूर्व देवचुली नगरपालिका पा“च रहेको सकलादेवी माविमा निर्माण गरिएको चार कोठे भवनको उद्घाटन तथा भवन हस्तान्तरण कार्यक्रममा सम्बोधन गर्दै सरकारमा रहेको पार्टीले मात्रै नभई जुनसुकै पार्टी र नेताहरुले पनि विकासका काम गर्न अग्रसरता देखाउनुपर्ने बताएका हुन ।
मन्त्रि विश्वकर्माले भने – ‘फलानै पार्टी फलानै नेताले विकास गर्दिनुपर्छ भन्ने जनताको लागि मुख्य विषय होईन , जोसुकैले किन नगरोस जनतालाई चाहिएको विकास हो , जनतालाई चाहिएको सेवा र सुविधा हो । ’
मन्त्रि विश्वकर्माले नेपाल प्राकृतिक सम्पदाले उपहार पाएको देश संसारका अरुदेशका तुलनामा धेरै अगाडी पुग्नुपर्ने देश भएपनि धेरै पछाडी पर्नु दुःखद भएको भन्दै देशलाई समृद्ध बनाउन सबै पार्टी र सबै नेता एक भएर लाग्नुको विकल्प नरहेको समेत बताए । समेद्ध नेपाल र सुखी नेपाल निर्माण गर्नु नै अहिलेको सरकारको मुख्य ल्रक्ष्य रहेकोले यस अभियानमा सबैलाई साथ दिन समेत मन्त्रि विश्वकर्माले आग्रह गरे ।
सबै नेपालीको घरआ“गनमा खुसी र सुख ल्याउने अठोठका साथ बर्तमान सरकार अगाडी बढेकाले यस अभियानमा प्रतेक नेपालीले साथ दिएमा मात्रै सम्भव हुने भन्दै बर्तमान सरकारको सपना साकार पार्ने काममा हातेमालो गर्न समेत आग्रह गरेका थिए ।
बालमैत्री र भुकम्प प्रतिरोधात्मक चार कोठे भवन जागृती बाल तथा युवा सरोकार नेपाल र ईन्डिगो चिल्ड्रेन फण्ड युकेको ५३ लाख र विद्यालयको छ लाख २५ हजार ७ सय ७१ रुपैया गरि कूल ५९ लाख २५ लाख ७ सय ७१ रुपैयाको लागतमा निर्माण सम्पन्न गरिएको हो ।