featured photo: Darpanpost

मुम्बई (एजेन्सी) । चारदिन अघि प्रदर्शनमा आएको बलिउड चलचित्र ‘स्त्री’ले सुखद कमाई गरेको छ । राजकुमार राव र एक्ट्रेस श्रद्धा कपूरको यो चलचित्र गएको शुक्रवारबाट प्रदर्शनमा आएको हो । चलचित्रले पहिलो दिन ६.८२ करोडको कमाई गर्न सफल भयो यस्तै दोस्रो दिन १०.८७ करोडको कमाई गरेको छ । दुई दिनमा १७ करोड ६९ लाखको कमाई गरेको यो चलचित्रले तीन दिने विकेन्डमा ३० करोडको आँकडा छुने अनुमान गरिएको छ ।

हरर कमेडीको उत्कृष्ट कथा, शानदार स्टार कास्ट र दर्शकबाट मिलेको बलियो वर्ड अफ माउथका कारण चलचित्रको विजनेशमा ठूलो उप्रभाव परेको छ । फिल्म ट्रेड एक्सपर्ट तरुण आदर्शले शनिवार ट्विट गर्दै ‘स्त्री’ ले रफ्तार पकडेको बताएका छन् । ‘उत्कृष्ट अभिनयका कारण लो बजेटको यो फिल्मलाई ठूलो सफलता मिल्दै गएको छ ।’, उनले लेखेका छन् । चलचित्रमा अपारशक्ति खुराना, पंकज त्रिपाठी र अभिषेक बर्नजीको पनि महत्वपूर्ण भूमिका छ ।