featured photo: Darpanpost

टंक सुनार
भदौ ९ । भगत सर्वजित प्रतिष्ठान नेपालले रुपन्देहीको ओम सतिया गाउपालिकालाई एम्बुलेन्स हस्तान्तरण गरेको छ । शनिबार ओमसतिया गाउँपालिका वडा नम्बर –६ मा आयोजित एक कार्यक्रमका बिच प्रतिष्ठानका बरीष्ठ उपाध्यक्ष जोग लाल बिश्वकर्माले ओम सतिया गाउँपालिकाका अध्यक्ष हिरा केवटलाई साचो हस्तान्तरण गर्नु भएको हो । सो कार्यक्रमलाई सम्बोधन गर्दै प्रतिष्ठानका संस्थापक अध्यक्ष एवम नेकपा नेता छबिलाल बिश्वकर्माले एम्बुलेन्सले यस क्षेत्रका जनताको स्वास्थ्यमा पहुँच सहज हुने विश्वास ब्यक्त गर्नु भयो ।

उहाले रुपन्देही विकसित जिल्ला भए पनि ग्रामिण क्षेत्र अझै सम्म कठिन अवस्था बाट गुज्रीरहेको बताउनु भयो । फरक प्रसंगमा पूर्व कृर्षि मन्त्री एवम प्रतिनिधि सभा सदस्य समेत रहनु भएका बिश्वकर्माले कृषकहरुलाई समयमै मलखादको ब्यवस्था गरीने बताउनु भयो । नेता बिश्वकर्माले बिऊविजन, सिंचाई लगाएतको उपलब्धताका लागि सरकारले प्रयास गरीरहेको बताउनु भयो ।एम्बुलेन्स गाउपालिकाको संरक्षणमा रहने गरी छोटकी रामनगर स्वास्थ्य चौकीले संञ्चालन गर्ने छ । शनिबारै गाउपालिका अध्यक्ष केवटले स्वास्थ्य चौकी रहेको वडा नम्बर–६ का अध्यक्ष शिब धवललाई साचो हस्तान्तरण गर्नु भएको थियो । ग्रामिण क्षेत्रका नागरीक आकस्मीक स्वास्थ्य सेवाबाट बञ्चित नहुन भन्ने उद्धेश्यले गाउपालिकालाई एम्बुलेन्स हस्तान्तरण गरीएको प्रतिष्ठानका उपाध्यक्ष बिश्वकर्माले जानकारी दिनु भयो । अब एम्बुलेन्सको सम्पुर्ण संञ्चालन खर्च र आम्दानी गाउपालिकाको हुनेछ ।