featured photo: Darpanpost

गङ्गा भण्डारी
भदौ ८ । माग अनुसार सरकारले सुन उपलब्ध गराउन नसकेको भन्दै गुल्मीका सुनचाँदी ब्यवसायीहरुले पसल बन्द गरेर विरोध जनाएका छन । नेपाल सुनचादी ब्यवसायी संघ जिल्ला शाखाको आह्वानमा बिहिबार देखि शनिबार सम्म जिल्ला भरका सम्पुर्ण पसल ब्यवसाय बन्द हुने ब्यवसायीहरुले जानकारी दिएका छन । चाड वाड नजिकिए संगै बजारमा सुनको माग अत्याधिक रहेको र सरकारले सुन उपलब्ध नगराएका कारण ग्राहकलाई सुन उपलब्ध गराउन नसकेपछि बाध्य भएर पसल बन्द गर्नु परेको नेपाल सुनचादी ब्यवसायी संघ गुल्मीका अध्यक्ष बालकृष्ण बराललले बताउनु भयो । हाल वाणिज्य बैंकहरूले सुन किलोमा आयात गरी सोही अनुसार बिक्री गर्दै आएका छन ।

बैंकहरूले दक्षिण अफ्रिका, संयुक्त अरब इमिरेट्स यूएई, हङकङ, स्विटजरल्यान्ड लगायतका मुलुकबाट सुन आयात गर्दै आएका छन । आयातित सुन सुनचाँदी व्यवसायी महासंघ, सुनचाँदी कला व्यवसायी संघ र सुनचाँदी रत्न तथा आभुषण महासंघको सिफिरिसमा बैंकले गहना व्यवसायीलाई वितरण गर्दै आएका छन । सुन आयात र लगानी निरुत्साहित गर्न राष्ट्र बैंकले कार्यविधि बनाएर कोटा प्रणालीमा सुन आयात र वितरणको व्यवस्था गर्दै आएको छ । कार्यविधि अनुसार बैंकबाट व्यवसायीले दिनको २० किलो मात्रै किन्न पाउँछन । ब्यवसायीहरुले कोटा प्रणाली खारेजीको माग गर्दै आएका छन ।