featured photo: Darpanpost

गुल्मी, भदौ ६।

गुल्मी दरबार गाउँपालिका स्वास्थ्य शाखा गुल्मीको आयोजनामा गत आर्थिक बर्षको वार्षिक समिक्षा तथा नयाँ योजना तर्जुमा गोष्ठी सम्पन्न भएको छ। गाउँपालिका प्रमुख प्रशासकीय अधिकृत राम प्रसाद शर्माको अध्यक्षतामा सम्पन्न कार्यक्रममा प्रमुख अतिथि गाउँपालिकाका अध्यक्ष अशोक कुमार थापाले स्वास्थ्य सम्बन्धी सम्पूर्ण कार्यक्रमको कार्यान्वयन सँगै जनचेतना अभिवृद्धिमा पूर्ण रुपमा खटिएको जानकारी गराउनु भयो । गोष्ठीमा गाउँपालिकाका सबै वडाका स्वास्थ्य संस्था प्रमुखहरुले गतबर्षको समस्टिगत गतिबिधि रोगका प्रकार नियन्त्रणका उपाय एवम स्वास्थ्य सम्बन्धी उपलब्धीमुलक तथ्यांक प्रस्तुत गर्नु भयो । कार्यक्रमका सहभागीहरुले रोग नियन्त्रणमा जनचेतना अग्रिम भूमिका हुने भन्दै अन्य नियमित कार्यक्रम सँगै जनचेतनालाई केन्द्रमा राखेर काम गर्न सकिए अपेक्षित उपलब्धी प्राप्त गर्न सहज हुनेमा जोड दिनु भयो । गोष्ठीमा गाउँपालिकाका जननिर्बाचित प्रतिनिधिहरु सबै वडाको अध्यक्ष तथा कार्यपालिका सदस्यहरु,स्वास्थ्यकर्मी,संचारकर्मी लगायतको उपस्थिती रहेको थियो । कार्यक्रमको सन्चालन तथा सहजीकरण गुल्मी दरबार गाउँपालिका स्वास्थ्य शाखा सम्योजक नारायण प्रसाद अर्यालको सन्चालनमा सम्पन्न भएको थियो ।