featured photo: Darpanpost

अमृत भट्टराई / ४ भदौ , रुपन्देही । रुपन्देहीको बुटवल उपमहानगरपालिका ३ तलो फुलबारी जङ्गलमा एक महिलालाई बेहोस बनाएर जबर्जस्ती करणी गरेको आरोपमा रुपन्देही जिल्ला देवदह नगरपालिका – ३ बसन्तपुरका ३७ बर्षका देविलाल खनाल पक्राउ परेका छन्  ।

इलाका प्रहरी कार्यालय बुटवलका अनुसार देविलाल ले बुटवल फुलबारी को तल्लो जङ्गलमा लगेर प्युठानकी २४ वर्षीय एक महिलालाई जबर्जस्ती करणी गरेको आरोपमा  शनिबार पक्राउ परेका हुन् ।

खनालले  ती युवतीलाई नसालु पदार्थ खुवाएर बेहोस बनाएर जबर्जस्ती करणी गरेको प्रहरीले बताएको छ । महिलाको उद्धार गरी उपचारका लागि लुम्बिनी  अञ्चल अस्पताल बुटवलमा  उपचार गरेेे र आफन्त बोलाइ जिम्मा लगाइने  प्रहरीले जानकारी दिएको छ भने  आरोपी युवकलाई जबर्जस्ती करणी म्याद थपेर अनुसन्धान गरिने इलाका प्रहरी कार्यालय बुटवलका प्रहरी नायब उपरीक्षक डिलबहादुर मल्लले जानकारी दिए ।