featured photo: Darpanpost

ज्ञानु पंगेनी,
नवलपरासी , ३ भदौ । नवलपरासी बर्दघाट सुस्ता पूर्व ( नवलपुरमा ) ७७ औ शाखाका रुपमा नेपाल रेडक्रस सोसाईटी शाखा कार्यालयको आईतवार उद्घाटन गरिएको छ ।
कावासोती नगरपालिका आठ ज्ञानोदय टोलमा एक औपचारिक समारोहका बिच कार्यालयको नेपाल रेडक्रसका केन्द्रिय सभापती संजिव कुमार थापाले उद्घाटन गरेका हुन । कार्यालयमा रेडक्रसको झण्डा फराएर उद्घाटन गरिएको थियो । उद्घाटनपछि बोल्दै थापाले नया शाखा भएकाले यहा शुन्यबाट शुरु गर्नुपर्ने हुदा धेरै चुनौती र अवसर रहेको बताए । उनले तत्कालका लागि केन्द्रबाट एक सय जनालाई पुग्ने राहत सामाग्री भण्डारणका लागि पठाउने बताए । उनले नया जिल्ला पनि भएकाले कार्यालय व्यवस्थापनमा पनि केहि समस्याहरु हुुन सक्ने हुदा केन्द्रबाट सक्दो पहल गरिने र विषेसगरि यहाका स्थानीय तहसंगको समन्वय र सहयोग लिएर शाखालाई अगाडी बढाउन समेत थापाले जिल्लाका पदाधिकारीलाई आग्रह गरेका थिए ।
नेपाल रेडक्रस शाखा बर्दघाट सुस्ता पूर्वका तदर्थ समिती सभापती मदनभक्त अधिकारीको अध्यक्षतामा भएको कार्यक्रममा केन्द्रिय उपसभापती अजित कुमार सर्मा , उप महामन्त्रि हरि न्यौपाने लगायतले शुभकामना मन्तव्य व्यक्त गरेका थिए ।
यसैबिच आईतवारदेखि नै कावासोतीमा नवलपरासी दुवै जिल्लाको आयोजनामा दुई दिने रेडक्रस परिचयात्मक कार्यक्रम शुरु भएको छ ।
कार्यक्रममा नवलपरासी पूर्व र पश्चिम दुवै जिल्लाका रेडक्रसमा आबद्ध पदाधिकारी , सदस्यहरु , यसस्कर सदस्यहरु लगायतको सहभागिता रहेको छ । दुई दिनसम्म रेडक्रसले गरेका गतिविधी तथा काम कर्तव्य अधिकारीका वारेमा छलफल हुने नेपाल रेडक्रस शाखा कार्यालय नवलपुरका सचिव शशिधर कंडेलले जानकारी दिए ।