featured photo: Darpanpost

टंक सुनार
भदौ १ । नवलपरासीको सुनवल नगरपालिका नेपालकै पहिलो बाल मैत्री स्थानिय तह घोषणा हुने भएको छ । शुक्रबार सुनवल नगरपालिकाले भुमहीमा पत्रकार सम्मेलनको आयोजना गरी नेपाल संघिय संरचनामा गइसके पछि पहिलो पटक स्थानिय तह बाल मैत्री घोषणा गर्न लागिएको जानकारी दिइएको हो । पत्रकार सम्मेलनमा बोल्दै नगर प्रमुख भरत थापाले बालमैत्री शाषन सम्बन्धि निर्धारीत सुचकहरु पुरा गरी बालमैत्री नगरपालिका घोषणा गर्न लागिएको जानकारी दिनु भयो ।

पत्रकार सम्मेलनमा नगर प्रमुख थापाले भदौ ३ गते प्रदेश ५ का मुख्यमन्त्री शंकर पोख्रेलले सुनवल नगरपालिकालाई नेपालकै पहिलो बाल मैत्री नगरपालिका घोषणा गर्ने कार्यक्रम रहेको जानकारी दिनु भयो । सुनवलन नगरपालिका वडा नम्बर १२ भुमहीमा रहेको जगन्नाथ माविमा एक औपचारीक कार्यक्रमका बिच उक्त घोषणा गरीने छ । बालबालिकाको अधिकार स्थापित नभए सम्म सम्बृद्ध नेपाल निर्माण सम्भव नभएको भन्दै सुनवल नगरपालिका बाल अधिकार स्थापित गर्न लागि परेको उहाको भनाई थियो ।

पत्रकारले सोधेको प्रश्नको जवाफ दिदै मेयर थापाले बालमैत्री नगरको निरन्तर निरीक्षणका लागि समयन्त्र तयार पारीएको र यसमा बाल क्लब र आमा समुहको भुमिका प्रमुख हुने बताउनु भयो । साविकको सुनवल नगरपालिकालाई २०७२ जेठ ३२ गते बालमैत्री नगर घोषणा गरीएको थियो । राज्य पुर्न संरचनाका क्रममा केही बडाहरु थपिए पछि पुन ती वडाहरुको सुचक पुरा गरी पुन बालमैत्री नगर घोषणा गर्न लागिएको हो ।