featured photo: Darpanpost

अमृत भट्टराई / १ भदौ , रुपन्देही । नेपाली काँग्रेस बुटवल उपमहानगरपालिका ले करवृद्धिदरको बिरोध मा शुक्रबार शक्ति प्रदर्शन गर्यो । बुटवल उपमहानगरपालिकाले ५ सय प्रतिशत सम्म गरेको करबृद्धिको बिरुद्धमा आज कांग्रेसले बुटवलमा शक्ति प्रदर्शन गर्दै करबृद्धि फिर्ताको माग गरेको हो । अस्पताललाइनबाट सयौको संख्यामा शुरु भएको नाराबाजी सहितको बिरोध र्याली नगर परिक्रमा गर्दै बुटवलउपमहानगरपालिकाको कार्यालयमा पुगेर गरेको थियो । कार्यँलयको मूल गेटमा प्रदर्शनकारी र सुरक्षाकर्मीबिच केहिबेर धकेलाधकेल समेत भएको थियो । कोणसभालाइ सम्बोधन गर्दै बुटवल उपमहानगर सभापति खेलराज पाण्डेले जनताबाट निर्बाचित जनप्रतिनिधिले जनताको ढाड सेक्नेगरि गरेको कर बृद्धि बुटवलका जनताले नरुचाएको बताए । उनले करबृद्धि गर्नेपरे गतसालभन्दा १० देखि १५ प्रतिशत मात्रै गर्नुपर्ने बताए ।  बिगतमा १० हजार कर तिर्नेले अहिले ३५ हजार कर तिर्नु परेको भन्दै पार्टी कार्यालयमा कर बढेका प्रमाण सहितका गुनासा आएको उनले बताए । सभापति पाण्डेले जनताले तिर्न नसक्ने गरी त्यो पनि सरोकारवालाहरुसंग व्यापक छलफल बिना अत्यधिक कर बढाएकाले बाध्य भएर सडकमा उत्रिनु परेको बताए । पाण्डेले भने—‘बढेको कर फिर्ता नलिएसम्म आन्दोलन रोकिदैन हुदैन,हामी झन् शशक्त भएर अघि बढ्छौं ।’ उद्योग बाणिज्य महासंघका केन्द्रिय सदस्य सुरेन्द्र श्रेष्ठले निर्बाचित ले देश विकास गर्ने भन्दापनि देशका जनता लाई कर वृद्धि गरेर जनतालाई दुख दिएको बताए ।