featured photo: Darpanpost

दर्पण पोस्ट / २३ साउन  चितवन । चितवनमा बस र ट्रक ठोक्किँदा ४ जनाको ज्यान गएको छ भने १७ जना घाइते भएका छन् ।

पूर्वपश्चिम राजमार्ग अन्तरगत चितवनको  रत्ननगर नगरपालिका–१०, भानुचोकमा गएराति पूर्वबाट नारायणगढतर्फ आउँदै गरेको ना५ख ५९४१ नम्बरको ट्रक र काठमाडौँबाट काँकडभिट्टातर्फ जाँदै गरेको मकालु यातायातको ना ६ ख १७४१ नंम्बरको बस एकापसमा ठोक्किँदा  दुर्घटना भएको हो ।  दुर्घटनामा परी मृत्यु हुनेमा रौतहट चन्द्रनिगापुर का ट्रक चालक ३४ वर्षीय मोहन घिसिङ, सोही ठाउँका ट्रकका सहचालक ३० वर्षीय बुद्धिमान लामा, बसमा सवार काठमाडौँ थानकोटका ४८ वर्षीय विष्णुप्रसाद थापा र ताप्लेजुङ खुम्लिङ नगरपालिका– १ का ४२ वर्षीया तारा बराल रहेको जिल्ला प्रहरी कार्यलय चितवनका प्रहरी नायब उपरीक्षक प्रभुप्रसाद ढकालले जानकारी दिनुभयो ।  घाइतेमध्ये १३ जनाको चितवन स्थित पुरानो मेडिकल कलेजमा र चार जनाको चितवन मेडिकल कलेमा उपचार भइरहेको छ ।  मृतक चारै जनाको उपचारका क्रममा मृत्यु भएको प्रहरीले जनाएको छ । घटनाको बारेमा थप अनुसन्धान भैरहेको छ ।