featured photo: Darpanpost

पोखरामा चितुवाको छालासहित ३ जनालाई प्रहरी र वन कार्यालयका कर्मचारीले पक्राउ गरेका छन्।

नेपाल प्रहरीको केन्द्रीय अनुसन्धान ब्युरो गण्डकी प्रदेश प्रहरी कार्यालय क्षेत्रीय अनुसन्धान समूह र जिल्ला वन कार्यालय कास्कीको टोलीले पोखरा–७, अनुपममार्गबाट उनीहरुलाई पक्राउ गरेको हो। उनीहरुको साथबाट २ थान चितुवाको छाला बरामद भएको छ।

पक्राउ पर्नेमा बाग्लुङ तामाङखोला गाउँपालिका–५, खुंखानीका २३ वर्षीय ज्ञानेन्द्र सेन्चुरी, वडा नम्बर ७ का २३ वर्षीय देवेन्द्र रसाइली र वडा नम्बर ६ का २५ वर्षीय झलक छन्त्याल छन्।

उनीहरुलाई चितुवाको छालासहित आवश्यक कारबाहीका लागि जिल्ला वन कार्यालय कास्कीमा बुझाइएको छ।

वन कार्यालयले आवश्यक अनुसन्धान गरिरहेको र उनीहरुलाई राष्ट्रिय निकुञ्ज तथा वन्यजन्तु संरक्षण ऐन, २०२९ बमोजिम कारबाही गरिने जिल्ला वन अधिकृत केदार बरालले बताए