featured photo: Darpanpost

ज्ञानु पंगेनी,
१८ साउन, नवलपरासी ।  पूर्व पश्चिम राजमार्ग अन्तरगत नवलपरासीको विनयी त्रिवेणी गाउपालिका १ दुम्किवास बजारको सडक वर्षाले हिलाम्य बनेपछि स्थानीय र सवारी चालकले सास्ति पाएका छन ।
दुम्किवासको चोकको ८ सय मिटर वरपरको बाटो भत्किएर दुर्दशा भएको छ । खाल्डाखुल्डीमा पानी भरिएर पैदलयात्री , साईकलयात्री र मोटरसाईकलयात्री हिड्न नसक्ने अवस्था भएको छ । सडकका कारण दुर्घटना समेत बढेको ईलाका प्रहरी कार्यालय दुम्किवासले जनाएको छ । कावासोतीबाट परासीका लागि हिडेका एक जना मोटरसाईकलयात्री सागर बरालले बाटोको खाल्डोमा परेर पल्टिदा धन्दै ज्यानै गुमाउन परेको बताए ।
पैदलयात्री र साईकलयात्रीको समस्या पनि उस्तै छ । स्थानीयबासिन्दा पनि हैरान भएका छन । वर्षैपिछ्छे वर्षाको समयमा यहा सडकको हालत यस्तै हुने गरेको स्थानीय गणेश पराजुलीले बताए । पटक पटक सडक डिभिजन कार्यालय र स्थानीयतहलाई सडक निर्माण गर्न भनेको भए पनि कार्यालयले वेवास्ता गरेको उनको गुनासो छ । ‘ सधै हिउदमा कालोपत्रे गर्ने कहिले टालटुल पार्ने काम हुन्छ तर गुणस्तरीय काम कहिलयै नहुदा वर्षेनी समस्या भएको छ ।’ पराजुलीले भने
सडक लाईनमा होटेल व्यवसाय गर्दै आएकी चन्द्रा लङ्गोटेलको पनि गुनासो उस्तै छ । होटेल अगाडीको बाटो विग्रीदा व्यपापारमा असर परेको उनले बताईन । होटेल अगाडीको बाटो विग्रीएर सवारीहरु रोकिने ठाउ नहुदा मानिषहरु खान आउन नखोज्ने उनले बताईन ।
दुम्किवास बजार क्षेत्रमा सधैको वर्षामा बाटो भत्केर खेतै राप्न मिल्ने हुन्छ । हिउदमा टालटुल पार्ने काम गरिन्छ तर तयो झारो टार्ने काम मात्रै हुने गरेको छ ।