featured photo: Darpanpost

 दर्पण पोस्ट ,

साउन -१५, काठमाडौं ।  केही महिना अघि अर्थात २०७५ सालमा संचालित कक्षा १२ को नतिजा यहि साता सम्ममा प्रकाशित हुने भएको छ । राष्ट्रिय परीक्षा बोर्डका एक अधिकारीका अनुसार डाटा इन्ट्री र रुजु गर्ने काम अन्तिम चरणमा पुगेकोले नतिजा यहि हप्ताभित्रमा प्रकाशन गरिने गरिने बताइएकोे छ । यो पटक सबै बिषयको नतिजा एकैसाथ प्रकाशन गर्ने तयारी समेत भैरहेको छ । “यो पटक देखि संकाय भन्ने नहुने भएकाले पनि नतिजा सबै बिषयको एकै चोटी आउने सम्भावना उच्च छ, तर यस बारेमा अहिल्यै नै केहि भन्न भने सकिदैन, ” उनले भने । अक्षराङ्कन (ग्रेडिङ) पद्दतिमा आधारित रहेर प्रकाशित हुन लागेको नतिजामा विभिन्न विषयमा ‘डी प्लस’ वा सो भन्दा तल्लो ग्रेड प्राप्त भई ग्रेडवृद्धि गराउन चाहाने परीक्षार्थीको लागि ग्रेडवृद्धि परीक्षाको समेत व्यवस्था छ । २०७५ सालमा संचालित परीक्षामा नियमित तर्फ दुई लाख ९८ हजार ९८७ र आंशिक तर्फ १ लाख १६ हजार २६६ गरि जम्मा चार लाख १५ हजार २५३ बिद्यार्थी सम्मेलित भएका थिए ।

नतिजा कसरी हेर्ने ?

नतिजा प्रकाशन भैसकेपछी ईन्टरनेट वा मोबाईल एसएमएसमा नतिजा हेर्न सकिन्छ ।

ईन्टरनेटमा नेपाल टेलिकमको वेबसाईट www.neb.ntc.net.np मा गएर आफ्नो सिम्बोल नम्बर र जन्ममिति राखि नतिजा हेर्न सकिन्छ भने मोबाईल एसएमएस बाट NEB लेखेर एउटा स्पेस दिइ आफ्नो सिम्बोल नम्बर लेखेर ३१००३ मा पठाएर पनि आफ्नो नतिजा हेर्न सकिन्छ ।