featured photo: Darpanpost

टंक सुनार
साउन १२ । प्रदेश नम्बर ५ का मुख्य मन्त्री शंकर पोख्रेलले पुरातात्वीक क्षेत्रको अध्यन विकास र प्रर्वद्धनमा प्रदेश सरकारले जोड दिएको बताउनु भएको छ । शनिबार देवदह क्षेत्रको विभिन्न ऐतिहासिक क्षेत्रहरुको अवलोकन गरीसकेपछि संञ्चारकर्मीलाई प्रतिक्रिया दिदै उक्त कुरा बताउनु भएको हो । ऐतिहासिक क्षेत्रको प्रमाणिकरण नभए सम्म विकास गर्न कठिन हुने भन्दै उहाले प्रदेश सरकारले यस्ता ऐतिहासिक क्षेत्रहरुको अभिलेखिकरण प्रमाणीकरण र संरक्षणमा जोड दिएको बताउनु भयो ।

स्थानिय जनताको विकास हुन पर्छ भन्ने भावनाको कदर गर्दै अध्यन र अनसन्धान गरेर बढ्ने उहाको भनाई थियो । मुख्य मन्त्री पोख्रेलले ऐतिहासिक क्षेत्रको प्रचार प्रसार गरेर पर्यटक भित्राउन सकिनेमा जोड दिनु भयो । मुख्य मन्त्री पोख्रेल, प्रदेश सांसद डा.कृष्ण न्यौपाने,देवदह नगरप्रमुख हिरा बहादुर खत्री ,जनप्रतिनिधि पत्रकार लगायतको टोलीले खयर डाडा, देव दह , भवानीपुर लगायत देवदहका विभिन्न ऐतिहासिक क्षेत्रहरुको अवलोकन गरेको थियो । उक्त अवशरमा देवदहका मेयर खत्रीले देवदहका ऐतिहासिक सम्पदाको उत्खननका लागि बिशेष टोली पठाइदिन मुख्य मन्त्री पोख्रेल संग आग्रह गर्नु भएको थियो ।