गङ्गा भण्डारी,

साउन ११ गुल्मी ।
नियमित विद्युत नआउदा स–साना घरेलु उद्योग, मर्मत केन्द्र, कम्प्युटर प्रशिक्षण केन्द्र, विद्यालय, स्वास्थ्य उपचार केन्द्र लगाएतका व्यवसायि मर्कामा परेका छन् । विद्युत प्राधिकरण गुल्मीको लाप्रवाहिका कारण रुरु गाउपालिका वडा नं। ५ बम्घा, वडा नं। ६ रिमुवा, सत्यवती गाउपालिका वडा नं। १ अस्लेवा, २ लुम्पेक, ४ लिम्घा साहाघाट, ५ हँसरा र ६ जोहाङ्ग खैरेनी बजार क्षेत्र मा व्यवसाय गर्ने आम व्यवसायि समस्यामा परेको गुनासो पोखेका छन । देश लोडसेडिङ मुक्त गर्ने अभियान चलाइरहेको सरकार र मातहतमा रहेको प्राधिकरण बिच समन्वयको खाचो रहेको स्थानिय उपभोक्ताहरुले बताएका छन ।  कहिले काहि मात्र बिजुली बल्ने यस क्षेत्रमा १० ÷१५ मिनेटको फरकमा बत्ति आउने जाने गर्न थालेको कहिब १ बर्ष वितिसक्दा पनि सम्वन्धित कार्यालयबाट पहल नभएको र पटक पटक बिद्युत प्राधिकरणमा जानकारी गराउदा पनि व्यवास्ता गर्ने गरेको गुनासो आम व्यवसायिहरुको रहेको छ । बत्तिको बिल उठाउन पछि नपर्ने प्राधिकरण कतै सेवा प्रवाहमा पछि परेको त होइन आम नागरिकको प्रश्न रहेको छ । यसको सुधारका लागि सम्वन्धित गाउपालिका भित्रका जनप्रतिनिधि र प्राधिकरण बिच समन्वय गरि पहल थालिनुपर्नेमा जोड दिएका छन् ।