featured photo: Darpanpost

अमृत भट्टराई  / २६ असार , बुटवल ।  नेपाल भारत को सुनौली भन्सार बाट भन्सार छलेर  रुपन्देहीको बुटवल तर्फ ल्याउदै गरेको सामना सहि     एक व्यापारी लाई प्रहरीले पक्राउ गरेको छ । 

बुटवल को एक जय मातादी ट्रेेेेेेडर्स  का संचालक राजेन्द्र शर्मा  पक्राउ परेका छन् । उनले बिल विजकमा  उल्लेख गरे भन्दा बढी र फरक सामान रहेको पाइएको छ ।

सीमा सुरक्षा शसस्त्र प्रहरी बल गुल्मको मोवाइल टोलीले रुपन्देही देबदह नगरपालिका ११ शुक्रौली भन्ने स्थानमा चेकजाँच गर्ने क्रममा लु १ च ९५८९ नम्बरको पिकअफ गाडीबाट बिलमा उल्लेख भएको भन्दा फरक सामान र बढी परिमाण सामान फेला परेको हो ।   विजकमा स्टोभ पाट्र्स तीन सय थान उल्लेख गरे पनि ग्यासको रेगुलेटर भएको र लेडिज ब्रा ९ हजार ५ सय थान हुनुपर्नेमा १९ हजार ३ सय ७४ थान रहेको पाइएको छ ।

पक्राउपछि शर्मालाई थप अनुसन्धानका लागि इलाका प्रहरी कार्यालय बुटवलमा राखिएको राजश्व अनुसन्धान कार्यालय बुटवलले जानकारी दिएको छ ।

यस अघि पनि उनले भन्सार छलेर सामान ल्याउने हुन्न सक्ने अनुमान लगाइएको छ ।