featured photo: Darpanpost

बागलुङ  १७  असार ।    बागलुङको धुल्लुबाँस्कोटका पहिरो पिडितलाई बागलुङ समाज पोखरा र राजमो बागलुङद्वारा राहत प्रदा गत सोमबार राति परेको वर्षाका कारण पहिरोमा परि ज्यान गुमाएका धुल्लुबास्कोटका विष्णु बहादुर क्षेत्रीका घरपरिवार तथा धुल्लुबास्कोटका विस्थापित घरपरिवालाई बागलुङ समाज पोखराले नगद रु १ लाख १ हजार १ सय ११ रुपैया आर्थिक सहयोग सहयोग गरेको छ । बागलुङ समाज पोखराका अध्यक्ष कुलचन्द्र शर्मा र सदस्यद्वय भागिरथ शर्मा र तिलक थापा, बरेङ गाउँपालीकाका अध्यक्ष कृष्ण प्रसाद शर्मा लगाएतको टोलिले मृतक तथा विस्थापित परीवारका घरमै पुगेर आर्थिक सहयोग गरेको होे ।

बागलुङ समाज पोखराका अध्यक्ष शर्माले घरबास गुमाएकाहरुका लागी क्षतिको प्रकृति हेरेर राहत हस्तान्त्रण गरिएको बताउँदै देश विदेशमा रहेका सम्पुर्ण व्यक्ति संघसस्था लगाएतालाई सहयोगको लागी अपील गरिएको समेत बताउनुभएको छ ।

प्राप्त राहतको सूचि अनुसार मृतकका छोरीहरु मञ्जु क्षेत्री र अस्मिता क्षेत्रीलाई एकमुष्ठ रु १ लाख १ हजार १ सय ११ र पदम बहादुर के.सी. का छोरा बर्ष ८ का मौषम केसीलाई रु ५ हजार ५ रुपैया हस्तान्तरण गरिएको हो ।

त्यस्तै सोही वर्षाका कारण पहिरोमा परि ज्यान गुमाएका धुल्लुबास्कोटका विष्णु बहादुर क्षेत्रीका घरपरिवार तथा धुल्लुबास्कोटका विस्थापित घरपरिवालाई राष्ट्रिय जनमोर्चा जिल्ला समिती बागलुङले नगद रु ७८ हजार आर्थिक सहयोग सहयोग गरेको छ ।

राष्ट्रिय जनमोर्चा बागलुङका अध्यक्ष अमर थापा, बरेङ गाउँपालीकाका अध्यक्ष कृष्ण प्रसाद शर्मा, वडा नम्वर १ का वडा अध्यक्ष नरसेङ पुन लगाएतको टोलिले मृतक तथा विस्थापित परीवारका घरमै पुगेर क्षतिको आधारमा आर्थिक सहयोग गरेको अध्यक्ष थापाले जानकारी दिनुभयो ।

अध्यक्ष थापाले घरबास गुमाएकाहरुका लागी क्षतिको प्रकृति हेरेर राहत हस्तान्त्रण गरिएको बताउँदै देश विदेशमा रहेका सम्पुर्ण व्यक्ति संघसस्था लगाएतालई सहयोगको लागी अपील गरिएको समेत बताउनुभएको छ ।

प्राप्त राहतको बिस्तृत सूचि अनुसार स्थानिय मञ्जु क्षेत्री रु १० हजार, अस्मिता क्षेत्री रु १० हजार, पदम बहादुर के.सी. रु १० हजार, थुमा घर्ती रु १० हजार, तारापति शर्मा रु ५ हजार, शिब केसी रु ५ हजार, कृष्ण ब केसी रु ५ हजार, एकादेउ शर्मा रु ३ हजार, रत्न बहादुर केसी रु ३ हजार, सुन्तली घर्ती रु ३ हजार, चन्द्रकली घर्ती रु ३ हजार, टेक बहादुर थापा रु ३ हजार, भिम बहादुर श्रीस ३ हजार,तुलसी घर्ती रु ३ हजार र कुमारी घर्तीलाई रु २ हजारका दरले राहत रकम हस्तान्तरण गरिएको रेडियो विहानीका कोअर्डिनेटर प्रकाश छन्त्यालले वताउनु भयो ।

सोमबार राति परेको बाढिले धुल्लुबास्कोट लुरुङका विष्णु बहादुर क्षेत्री सहीत उहाँकी श्रीमति विष्णुमाया र ३ महिने छोरीको ज्यान गएको थियो भने धुल्लुबास्कोट र हुग्दिशिरमा गरी ३८ घरपरिवार विस्थापित भएका छन भने करोडौँको खेतबारीमा क्षेति पु¥याएको थियो ।