featured photo: Darpanpost

देवी भडारी,

दाङ १७ असार ।  युवा सहभागीता विना विकास सम्भव नभएको आज घोराहीमा आयोजित एक कार्यक्रमका सहभागीहरुले बताएका छन् । स्थानिय निकायमा युवा सहभागीता तथा हाम्रो चासो विषयक अन्तरक्रिया कार्यक्रममा सहभागीहरुले यस्तो बताएका हुन् । नगरपालिका तथा उपमहानगरपालिकाको विकासका कार्यक्रम कसरी चलेका छन् , युवाकोृ सहभागिता कस्तो रहेको छ भन्ने उद्देश्यका साथ युवा कार्य नेपालले आयोजना गरिएको कार्यक्रममा युवाको लागी नयाँ योजना नभएको गुनासो पनि युवाहरुले गरेका छन् । साथै कार्यक्रममा युवाको सहभागीता नहुदा सम्म विकासले फड्को मार्न सम्भव नभएको भन्दै हरेक जिकासे योजनामा युवाहरुलाई सहभागी गराउन आग्रहपनि गरेका छन् । कार्यक्रममा बोल्दै प्रमुख अथिति घोराही उपमाहानगरपालिकाका प्रमुख नरुलाल चौधरीले पेसालाई सम्मान गर्न सिके मात्र पनि विकासले गति लिने कुरामा जोड दिनु भएको थियो । त्यस्तै घोराही उपमहानगर पालिकाका उपप्रमुख सिता न्यौपानेले अवको रोजगार भनेको व्यवसाय भएको भन्दै व्यासायीक बन्न युवाहरुलाई सुझाव दिनु भएको थियो । महेन्द्र बहुमुखी क्याम्पस दाङका स्वतन्त्र बिद्यार्थी युनियन निर्वतमान सभापति प्रविन शर्माले युवाहरुसंग समन्वयको नभएको भन्दै स्थानीय निकायहरुले योजना बनाउदा दुरदर्सी योजना बनाउनु पर्नेमा जोड दिनु भएको थियो । यसैगरी कार्यक्रममा बोल्दै अधिबक्ता गोमा महराले स्थानिय निकायले पनि युवाहरुलाई नसमेटेको बताउनुभयो। कार्यक्रममा राजकुमार धिताल,सन्तोष पोख्रेल,गोपाल पोडेल, हरप्लेस दाङका सुनीता बि.एम.पत्रकार दुर्गालाल के.सी , किरण गौतम् , लगाएतले आ आफ्नो भनाई राख्नु भएको थियो । कार्यक्रमको सहजीकरण युवा कार्य नेपालका अध्यक्ष लक्ष्मी निरौलाले गर्नु भएको थियो ।