featured photo: Darpanpost

नवलपरासी । नवलपरासी जिल्ला प्रतापपुर गाउँपालिकाको बेलाटारीमा सर्पको टोकाइले एक बालकको मृत्यु भएको छ ।
जिल्लाको रामग्राम नगरपालिका वार्ड न ४ जितपुर बस्ने सुरेन्द्रकुमार कुर्मीको छोरा अन्दाजी ३ बर्षिय दो अंश कुर्मीलाई बिहान पौने ६ बजे तिर गोबन सर्पले टोक्दा उपचार गर्न लैजाने क्रममा उनको मृत्यु भएको हो ।
प्रतापपुर गाउँपालिकाको बेलाटारीमा रहेको त्रिभुवन मा बि बेलाटारीमा अध्यापन गराउनको लागि शिक्षक सुरेन्द्र कुमार कुर्मी रामग्राम नगपालिकाको वार्ड न ४ जितपुर बाट बेलाटारी आई कोठा भाडामा लिएर परिवारको साथमा बस्दै आएका थिए ।
सोही भाडामा बसेको घरमा बिहानको समय पौने ६ बजे शिक्षक सुरेन्द्र कुमार कुर्मीको छोरा दो अंश कुर्मीलाई गोबन सर्पले टोकेपछि उनलाई उपचारका लागि बिनयी त्रिबेणि गाउँपालिकाको त्रिबेणिमा रहेको कृष्णदल गण सर्पदन्श उपचार केन्द्रमा लगिएको थियोे ।
कृष्ण दल गण सर्पदन्श उपचार केन्द्र त्रिबेणिमा औषधि नभएको भन्दै उनलाई उपचारका लागि बुटवल रिफर गरिएको र उपचारका लागी बुटवल लैजाने क्रममा उनको बाटोमा नै मृत्यु भएको त्रिभुवन मा बि बेलाटारीका शिक्षक अमान उल्लाह अन्सारीले जनकारी दिनु भएको छ ।