featured photo: Darpanpost

टंक सुनार
असार १६ । शुक्रबार धान दिवश देशै भर धान रोपेर मनाइयो । रुपन्देहीको देवदह नगरपालिकाले पनि देनपा–११ सौधनियामा धान दिवश मनाउने कार्यक्रमको आयोजना ग¥यो । धान रोप्नु भन्दा अगाडी कृषकलाई सम्मान गर्ने कार्यक्रम थियो । सो कार्यक्रमका अध्यक्ष थिए नगर प्रमुख हिरा बहादुर खत्री । स्टेजको अगाडीको भागमा नगरप्रमुख संगै उपप्रमुख विद्यालक्ष्मी गुरुङ्ग, प्रमुख प्रशाषकिय अधिकृत श्रीकृष्ण नेपाल, वडा अध्यक्ष पदम थापा लगायत बसेका थिए । उद्घोषक समेत रहेका कार्यक्रम संयोजक अश्विनी कुमार शर्माले जनप्रतिनिधिलाई सम्मान गर्न अनुरोध गरे संगै एक हुल महिलाहरु आय र धानको बिउको माला लगाइदिए । सोही तस्वीर अहिले समाजिक संञ्जालमा भाइरल भइहरको छ । किसान बिउ नपाएर छट्पटी रहेका वेला धानको बिउ माला लगाएको भन्दै जनप्रतिनिधिको चर्को आलोचना भइरहेको छ । सामाजिक संञ्जालमा कतिपयले त जुत्ता दिवश मनाउन समेत माग गरेका छन । कतिपयले नेपालको सान खेत प्लटिङ घाटीमा धान, घाटिको धान कहिले फल्ला भन्दै ब्यङ्ग्य समेत गरेका छन । अहिले समाजिक संञ्जालमा धेरैको टाइमलाइनमा माला काण्डनै देख्न सकिन्छ । देवदहका प्रतिष्ठित ब्यक्तिहरुले समेत नगरप्रमुख र उपप्रमुखको चर्को आलोचना गरेका छन । कतिले सामान्य कुरालाई आलोचना गरेर तिलको पहाड खडा गरेको भन्दै माला काण्डको बचाउ गरेका छन । माला काण्डको आलोचना गर्ने र बचाउ गर्नेहरु बिच यति वेला दोहोरी नै चलिरहेको छ । नगरप्रमुख हिरा बहादुर खत्रीले भने आफ्नो फेसबुकमा सम्मानको लागि दिएको माला स्वीकार गरेर आफुले अपराध नगरेको उल्लेख गरेका छन । यस्तै नगरउपप्रमुख विद्यालक्ष्मी गुरुङ्गले आफुहरु माला लगाउने उद्देश्यले कार्यक्रममा सहभागि नभएको भन्दै यसको विरोध गर्नेहरु विकास विरोधी भएको आरोप लगाएकी छन ।

आयोजकको अपरीपक्कताका कारण जनप्रतिनिधि आलोचनाको सिकार बनेका छन । नगरपालिकाको कृर्षि शाखाको योजना अनुसार कार्यक्रम संञ्चालन भएको थियो । देनपा कृर्षि शाखाका प्रमुख अश्वीनी कुमार शर्माले भने कुनै प्रतिक्रिया दिएका छैनन । देख्दा अस्वाभाविक देखिने माला काण्डका केही फेसबुक प्रतिक्रिया यस्ता छन ।