असार ८, नवलपुर ।।
लागु औषध दुरपयोग तथा ओसार पसार बिरुद्धको अन्तराष्ट्रिय दिवस अन्तर्गतको साप्ताहा व्यापी कार्यक्रम अनुसार नवलपुरमा आज तेस्रो दिन विभिन्न कार्यक्रम गरि मनाईएको छ ।
जिल्ला प्रहरी कार्यालय नवलपरासी (बर्दघाट सुस्ता पुर्व) , सामुदायीक प्रहरी सेवा केन्द्र तथा स्थानिय संघ संस्था र नागरीकको संयुक्त सहभागितामा जिल्लाका विभिन्न स्थानका जनचेतना मुलक लगाएतका कार्यक्रमहरु सञ्चालन गर्दै आएको जिल्ला प्रहरी कार्यालय नवलपुरका प्रहरी नायव उपरीक्षक लालध्वज सुवेदीले जानकारी दिनुभयो ।
यसैविच आज लागु औषध सहीत नवलपुरको गैडाकोटमा एकजना पक्राउ परेका छन । गैडाकोट न.पा. वडा नं. ७ बस्ने २४ वर्षीय सुजन बि.क. ले लागु औषध बिक्रि वितरण गर्दै आई रहेको छ भन्ने सुचनाको आधारमा ईलाका प्रहरी कार्यालय गैडाकोट नवलपरासीको टोलीले विकको घरमा खान तलासी गर्ने क्रममा लागु औषध सेरीजेक ५० एम्पुल,फेनारगन ४० एम्पुल,नुर्फिन ४३ एम्पुल गरी जम्मा १३३ एम्पुल र लागु औषधका फुटेका केही टुक्राहरु समेत फेला पारेको जनाएको छ ।
उक्त लागु औषध बरामद गरी थप अनुसन्धान भई रहेको प्रहरीले जनाएको छ ।