featured photo: Darpanpost

जेठ १९ । नेपाल कम्युनिष्ट पार्टीका स्थाई कमिटी सदस्य छबिलाल बिश्वकर्माले अहिलेको वामपन्थी सरकार सामु संम्भावना संगै चुनौती रहेको बताउनु भएको छ । उहाले बोलेर मात्रै नहुने गरेर देखाउनु पर्ने अवस्था आएको बताउनु भयो । शनिबार रुपन्देहीको देवदहमा अगुवा कार्यकर्ता तथा पार्टीबाट निर्वाचित जनप्रतिनिधिलाई प्रशिक्षण दिदै उक्त कुरा बताउनु भएको हो । पार्टी भित्र धेरै खाले बिकृतीहररु रहेको भन्दै उहाले यसलाई सच्चाउन नसके जोगिन नसक्ने बताउनु भयो । अन्यलाई कमजोरी एसक्युज भए पनि कम्युनिष्टहरुलाई एसक्युज नहुने उहाको भनाई थियो ।

नेता बिश्वकर्माले तीनै तहमा कम्युनिष्ट पार्टीको सरकार रहेकाले देखिने गरी काम गर्न पार्टीबाट निर्वाचित जनप्रतिनिधिहरुलाई आग्रह गर्नु भयो । केन्द्रमा एकता भएता पनि स्थानिय तहमा पार्टीलाई एकाकार गरेर लैजाने काम बाकी रहेको बताउनु भयो । यसमा रुपन्देही क्षेत्रले उदाहरणीय भुमिका खेल्ने उहाको विश्वास थियो । कार्यक्रममा बुटवल उपमहानगरका मेयर शिव सुवेदीले नगरपालिकामा जनप्रतिनिधिको भुमिका , पार्टीले खेल्नु पर्ने भुमिका, अहिलेको नितिगत अवस्था लगाएतको बिषयमा प्रशिक्षण दिनु भएको थियो ।