featured photo: Darpanpost

जेष्ठ १३ ,सुनवल ।
निरन्तर सिकाई कार्यक्रममा सहभागिहरुलाई आज एक कार्यक्रमका विच प्रमाण पत्र वितरण गरिएको छ । सुनवल सामुदायिक सिकाई केन्द्र को निरन्तर कक्षा संचालन कार्यक्रममा सहभागि निरन्तर कक्षा संचालनका शिक्षक र आमाहरुलाई प्रमाण पत्र वितरण गरिएको हो । सुनवल १ सोमनाथ वाल उद्यानको भवनमा आयोजना गरिएको प्रमाण पत्र वितरण कार्यक्रमको अध्यक्षता सुनवल सिकाई केन्द्रका अध्यक्ष उमानाथ पोखरेल को रहेको थियो भने सुनवल नगरपालिका का प्रमुख भिम वहादुर थापा को प्रमुख आतिथ्यता , सुनवल नगरपालिका वडा नम्वर ३ का वडाध्यक्ष कर्णं वहादुर शेन , सुनवल नगरपालिका शिक्षा अधिकृत हेमराज अर्याल, पर्यटन प्रत्रकार संघ जिल्ला सचिव रमेश भुसाल, समाजसेवि होमनथा लामिछाने, नैनसिहं सुनार लागाएत निरन्तर कक्षामा सहभागि आमाहरुको उपस्थीति रहेको थियो । कार्यक्रमका प्रमुख अतिथि सुनवल नगरपालिकाका प्रमुख भिम वहादुर थापाले खुसी ब्यक्त गर्दै आमाहरुलाई सुभकामना ब्यक्त गर्नुभएको थियो । त्यस्तै वडा नम्वर ३ का वडाध्यक्ष कर्ण वहादुर शेन साथै सुनवल नगरपालिकाका शिक्षा अधिकृत हेमराज अर्यालले शुभकामना ब्यक्त गर्नुभएको थियो । सुनवल सिकाई केन्द्रको परिचय सहित कार्यक्रमको उद्देश्य माथि प्रकाश सिकाई केन्द्रका अध्यक्ष उमानाथ पोखरेलले पार्नुभएको थियो । कार्यक्रममा स्वागत मनतब्य सिकाई केन्द्रका संचालन समिति सदस्य संजय श्रेष्ठको रहेको थियो भने कार्यक्रमको संचालन सिकाई केन्द्री की परिचालिका शिक्षा अर्यालले गर्नु भएको थियो ।