featured photo: Darpanpost

टंक सुनार
जेठ ११ । रुपन्देहीको देवदहमा तेस्रो युगिन राष्ट्रिय मुक्तक वाचन २०७५ हुने भएको छ । युगिन साहित्य समाज रुपन्देहीको आयोजनामा यही जेठ १९ गते कार्यक्रम हुन लागेको समाजले शुक्रबार पत्रकार सम्मेलनको आयोजना गरी जानकारी दिएको हो । देवदह पपिलडाडामा हुने कार्यक्रममा १५ जना मुक्तककारहरुले मुक्तक वाचन गर्ने बताइएको छ । पत्रकार सम्मेलनमा बोल्दै समाजका कोषाध्यक्ष एवम कार्यक्रम संयोजक बिष्णु पोख्रेलले करीब ४ सय दर्शक भित्राउने लक्ष्य लिएको बताउनु भयो । मुक्तक विधाको बृद्धी र साहित्यीक पर्यटनको विकास गर्ने उद्देश्यले कार्यक्रम गर्न लागिएको उहाको भनाई थियो ।

मुक्तक वाचनमा सहभागि हुनका लागि प्रवेश सुल्क एक सय रुपैया तोकेको आयोजकले बताएको छ । कार्यक्रममा सहभागी हुने साहित्यकारहरुलाई देवदह क्षेत्रका विभिन्न ऐतिहासिक क्षेत्रहरुको अवलोकन गराउने कार्यक्रम रहेकाले यसले देवदह क्षेत्रको प्रचार प्रसारमा महत्वपुर्ण भुमिका खेलने आयोजकको बिश्वास छ । कार्यक्रम गर्नका लागि करीब १ लाख ६७ हजार खर्च अनुमान गरीएको छ । नगरपालिकाले ७५ हजार विनियोजन गरेको र बाकी रकम टिकट बिक्रि र प्रयोजकबाट ब्यवस्था गर्न लागिएको समाजका अध्यक्ष यज्ञ प्रसाद न्यौपानेले बताउनु भयो । रुपन्देहीको देवदहमा क्रियाशिल रहेको यस संस्थाले साहित्यको संरक्षण प्रर्वद्धनका लागि विभिन्न रचनात्मक कार्यहरु गर्दै आइरहेको छ ।